നമ്മുടെ അറിവിൻ നിറകുടമായു-ള്ളീശനെയറിയാമോ?
നമ്മുടെ ബുദ്ധിയിൽ വെട്ടം പകരും ഈശനെയറിയാമോ?
കാലാകാലം നന്മകൾ ചെയ്യും
ഈശനെയറിയാമോ?
നിന്നിലും എന്നിലും നിറഞ്ഞു നിൽക്കും
ഈശനെയറിയാമോ?
എന്നുടെ ഈശന് പേരോന്നില്ല..
എന്നുടെ ഈശന് മതമൊന്നില്ല..
എന്നുടെ ഈശന് നിറമൊന്നില്ല..
എന്നുടെ ഈശന് രൂപമൊന്നില്ല..
എന്നുടെ ഈശൻ എന്നിലെ മനിതൻ
നിന്നുടെ ഈശൻ നിന്നിലെ മനിതൻ
എന്നുടെ ഈശനെ ഞാൻ കാട്ടുമ്പോ-
ളെന്തേ നിനക്കത് പൊള്ളുന്നു..
നമ്മുടെ ഈശനെയുള്ളിൽ വച്ചു
സ്നേഹമൊരായിരം വിതറീടാം..
ജാതിയും മതവും സ്പർധയുമില്ലാ
ഭൂമിയെ നാകമാക്കിടാം.
No comments:
Post a Comment